لو لسه مبتدئ فى مجال العملات المشفرة .. اقرأ الكلام ده هيفيدك
◄ ابعد عن مواقع Faucets يا هتلاقي منها نصب او منها الحقيقي بس ساعتها هتقضي وقت بالساعات عشان تجمع مئات الساتوشي .. يعني شوية ملاليم !!
◄ ابعد عن مواقع Hype و Investments احلى مواقع نصب ..
خلاصتها هات 100 دولار تاخدهم 150 دولار بعد 15 يوم او شهر ومعاك لينك Referrals توزعه اللى يدخل تحت اسمك تاخد عليه فلوس .. طبعا اتقفشوا من هنا ..
واتعمل مواقع تعدين بنفس الفكرة بردوا !!
◄ مواقع Cloud Mining ( التعدين السحابى ) بتختار منها العملة اللى حابب تعمل ليها تعدين عن طريق Contract سنوى ده Option او تشتري بالجيجا هاش او الميجا هاش ده Option تانى ..
ومن اشهر المواقع المعروفة Genesis Mining (https://genesis-mining.com) أو Hashnest (https://hashnest.com) التابعة لشركة Bitmain (https://bitmain.com) ...
رأى الشخصي .. بلاش تعدين سحابى لانه مبقاش مربح خالص ...
وهقولك باختصار كده وعلى السريع ليه مبنصحش بـ Cloud Mining .. ركز معايا واحدة واحدة ...
دلوقتى نفترض انك معاك 3000 دولار ومحتار تشتري عقد فى شركة تعدين سحابى ولا تشتري عملات .. والمدة اللى عاوز تستثمر فيها المبلغ اللى معاك دى سنتين ...
التعدين فى شركة Genesis Mining وقت كتابة الرأى ده مفيهوش عقود غير XMR و ETH
الارقام اللى هقولها دى تقريبية .. ومدة الاستثمار سنتين بدون بيع او شراء .. تخزين العملة فقط ...
هنفترض انك هتشتري العقد الكبير بتاع المونيرو 2400 دولار ( 3000 هاش/ثانية ) ..
ده بالصعوبة ( وقت كتابة الرأى ده ) هيجبلك يوميا حوالى 6 دولار يعنى تقريبا 0.053 XMR يوميا ..
يعنى فى السنة حوالى 2130 دولار يعنى تقريبا 15.5 XMR بصعوبة ( وقت كتابة الرأى ده ) ..
اضرب فى اتنين يعنى بعد سنتين 4260 دولار يعنى تقريبا 31 XMR بصعوبة ( وقت كتابة الرأى ده ) ...
انت عندك صعوبة التعدين هتزيد بشكل كبير .. فبعد سنة افترض ان الصعوبة زادت الضعف يعنى بدل ما كان بيجيلك 15.5 هيجيلك 7.75 ..
والسنة الثانية برده افترض زيادة الضعف يعنى بدل ما كان بيجيلك 7.75 فى السنة الاولى هيجيلك 3.8 مثلا .. هتلاقى ان بعد سنتين من اشتراكك جالك منه
حوالى 12 XMR .. طب السعر اكيد هيزيد؟ لكام؟ على حسب السوق .. بس خلينا نفترض انه هيزيد بعد سنتين 5 اضعاف سعر النهاردة ..
يعنى بدل حوالى 112 دولار ( وقت كتابة الرأى ده ) هيكون بعد سنتين 560 دولار .. يعنى 6720 دولار بعد سنتين !!
ايه ده طب ما هو مربح اهو .. حطيت 2400 دولار جالى بعد سنتين 6720 دولار ..
لا طبعا مش مربح .. لانك لو اشتريت بسعر ( وقت كتابة الرأى ده ) ب 2400 دولار XMR هتشتري حوالى 21.5 XMR
.. سيبتهم لسنتين فى محفظة ب Private Key بالسعر الافتراضى اللى بعد سنتين
560 دولار هتلاقى نفسك عامل حوالى 12000 دولار يعنى فرق 5280 دولار !!
بالاضافة ان انت طبعا دفعت فلوس العقد مقدما ومستنى الربح يوميا ..
فلو لا قدر الله الموقع اتهكر .. ايه؟! مفيش هتكتئب بس .. لكن لما تشتري العملة وهى فى محفظتك وفى نفس الوقت انت المتحكم الوحيد فيها ومتابع تحديثاتها واخبارها اول بأول .. هيكون افضل بكتير ...
قيس على كده كل العقود اللى انت عاوزها من 100 دولار لـ 3000 دولار
لو مش مقتنع بكلامى عادى .. اشتري وبعد سنتين ان شاء الله قولى الدنيا مشيت ازاى ...
◄ اقرأ الاسئلة دى هتديلك نبذة كويسة بالأخص عن البيتكوين فى البداية ...
الأسئلة الشائعة للبيتكوين (https://bitcoin.org/ar/faq)
◄ ادخل على المواقع دى هتعرف منها معلومات عن كل عملة سواء للتداول او التعدين ...
Bitinfocharts (https://Bitinfocharts.com)
Coinmarketcap (https://Coinmarketcap.com)
CoinWarz (https://CoinWarz.com)
Whattomine (https://Whattomine.com)
◄ الـ Trade فى العملات المشفرة بشكل يومى او اسبوعى محتاج شخص عنده خبرة فى Technical Analysis ومتابع سوق العملات المشفرة واخباره من فترة لا تقل عن 6 شهور ..
وانت كشخص مبتدئ محتاج وقت عشان تفهم وتتابع الاخبار اللى فاتتك .. فـ متتسرعش عشان متتحبسش فى
عملة تشتريها بسعر عالى وتنزل وبعدها تفضل منتظر انها تطلع عشان تبيع من غير خسارة .. افضل حل ليك Invest فى البيتكوين فى الكام شهر اللى هتتعلم فيهم ..
يعنى اشتري بالمبلغ اللى معاك بيتكوين وخليهم على محفظتك الخاصة بيك وتابع السوق بتاعه ..
ولما تلاقى نفسك فهمت الدنيا ماشية ازاى وتابعت اللى فاتك كويس .. ساعتها هتقدر تحدد تبيع وتشتري ايه وامتى ...
◄ فى عالم العملات المشفرة تكون الاخبار المتداولة على المواقع هى العامل الاول فى ارتفاع وهبوط سعر العملة ..
وكثير من الناس تعتقد أن اخبار العملات المشفرة تساعدهم فى اتخاذ القرارات المتعلقة باستثماراتهم ولكن ده مش صح دائما .. هتلاقى اخبار مُضللة كثيرة هدفها ارتفاع وانخفاض سعر
العملات بشكل جنونى لخلق توتر فى السوق وده هيخليك تاخد قرار ببيع او شراء العملة فى وقت خطأ يضر باستثمارك ..
فحاول تتأكد من صحة الأخبار عن طريق المواقع الرسمية الخاصة بالعملة المشفرة ...
◄ دى اشهر مواقع الاخبار للعملات المشفرة والبلوكشين بصفة عامة ...
Coindesk (https://Coindesk.com)
Cointelegraph (https://Cointelegraph.com)
Themerkle (https://Themerkle.com)
◄ التحليلات الفنية للعملات المشفرة مش دائما صح ..
متعملش امر بيع او شراء بناء على تحليل انت مش فاهمه .. دى لينكات لفيديوهات على اليوتيوب هتتعلم وتفهم منها Technical Analysis وتعرف ازاى تقرأ Charts العملات بنفسك ...
Technical Analysis: Tops and bottoms (https://youtu.be/oFB2zt2bYtc)
Candlestick Entry Techniques (https://www.youtube.com/watch?v=e4KtUKP82mM)
How to Trade Triangle Chart Patterns Like a Pro (https://www.youtube.com/watch?v=hyELHtxTp7I)
Crypto + Technical Analysis (https://www.youtube.com/user/carpenoctom/videos)
◄ دى مواقع تقدر تعمل عليها اكونت باسمك .. وتتابعها بشكل يومى .. هتفيدك جدا ...
BabyPips (https://BabyPips.com)
BitcoinTalk (https://BitcoinTalk.org)
TradingView (https://TradingView.com)
◄ لو لسه مُحتفظ برصيدك من العملات المشفرة زي البيتكوين والإيثريوم واللايتكوين وغيرهم على المنصات ..
حولهم لمحفظتك الخاصة بيك ( أمان ليك انت ) .. المنصة معمولة لبيع وشراء العملات فقط .. وعناوين المَحافظ اللى موجودة علي المنصة من كل عملة مخصصة لإستقبال وإرسال
رصيدك على المنصة فقط ( كأنك ضيف عندهم .. هتخلص البيعة وتمشي ) .. رصيدك اللى موجود فى محفظتك الخاصة بيك انت الوحيد اللى تقدر تتحكم فيها ..
المنصة لو اتهكرت او تم التلاعب بها .. هتخليك تحت ضغط نفسي مش كويس وخصوصا لو حاطط فيها مبلغ محترم .. ساعتها كلمة
ياريتني مش هتنفعك !!
طبعا يُفضل استخدام المحفظة الرسمية لكل عملة .. لكن فى عملات مش هتقدر تعمل Sync. ليها زى البيتكوين .. لانها بتحتاج مساحة تخزينية كبيرة مش اقل من 145 جيجا بايت ...
دى لينكات فيها المحفظة الخاصة بكل عملة .. وطبعا تأمين المحفظة على حسب ...
في محفظة بتديلك Recovery Seed عبارة عن 12 كلمة عشوائية ( تكتبهم وتحفظ الورقة فى مكان سري لو ضاعت = فلوسك ضاعك ) ...
وفى محفظة بتعمل Backup لعنوان محفظتك كـ File اسمه Keystore او Wallet.data فى Roaming Folder فى OS Windows
.. تاخد الملف ده وتحفظه على فلاشة او فى مكان سري ..
بس كل ما تستقبل او ترسل رصيد من والى محفظتك تعمل Backup للـ File ...
C:\Users\UserName\AppData\Roaming
عملة Bitcoin BTC
BTC Electrum Wallet (https://electrum.org/#download)
Blockchain Web Wallet - Create a New Account (https://blockchain.info/wallet/#/signup)
عملة Ethereum ETH و Ethereum Classic ETC
My Ethereum Wallet - Web Wallet (https://www.myetherwallet.com)
عملة Litecoin LTC
LTC Electrum Wallet (https://electrum-ltc.org)
عملة DASH
DASH Wallets (https://www.dash.org/wallets)
عملة NEM
NEM Wallets (https://www.nem.io/#clients)
عملة Monero XMR
XMR Wallets (https://getmonero.org/downloads)
عملة Stratis STRAT
STRAT Wallets (https://stratisplatform.com/wallets)
عملة Tether USDT
USDT Wallets (https://tether.to/app)
عملة ZCash ZEC
ZEC Wallets (https://www.zcashcommunity.com/wallets)
عملة Siacoin SC
SC Wallets (http://sia.tech/apps)
عملة Bytecoin BCN
BCN Wallets (https://bytecoin.org/downloads)
عملة Lisk LSK
LSK Wallets (https://lisk.io/download)
عملة Stellar STR
STR Wallets (https://www.stellar.org/lumens/wallets)
عملة DigiByte DGB
DGB Wallets (https://digibyte.io/digibyte-downloads)
عملة Decred DCR
DCR Wallets (https://www.decred.org/downloads/)
عملة NXT
NXT Wallets (https://nxt.org/download)
عملة PIVX
PIVX Wallets (https://pivx.org/get-pivx/wallet)
عملة Syscoin SYS
SYS Wallets (http://syscoin.org)
طبعا دى مش المَحافظ كلها .. لو عندك رصيد لعملة معينة محفظتها مش موجودة فى اللينكات السابقة .. ممكن تلاقيها فى 3 البرامج دول ...
JAXX Wallet (https://jaxx.io/support.html)
EXODUS Wallet (https://www.exodus.io/releases)
COINOMI Wallet (https://coinomi.com)
أهم حاجة تختار باسورد قوى ( حروف + ارقام + رموز ) وتحفظه مع Private Key او Keystore او Backup Seed ...
◄ بالنسبة للتعدين ...
دى كانت اجابتي على سؤال لشخص سأله ليا ( ازاى تعمل تعدين لعملة ) أقرأها ممكن تستفيد منها ...
ازاي تعمل تعدين لعملة؟
كل عملة ليها Algorithm معين ...
مثلا ...
البيتكوين BTC ال Algorithm بتاعه SHA256 ...
اللايتكوين LTC ال Algorithm بتاعه Scrypt ...
المونيرو XMR ال Algorithm بتاعه CryptoNight ...
الايثريوم ETH ال Algorithm بتاعه Ethash .. وهكذا ...
انت بتشوف الهاردوير المستخدم بتاع كل Algorithm وتبتدي تعمل Configuration على Mining Pool الخاص بالعملة نفسها وتبتدي تعمل Mining ...
ينفع تستخدم جهازك الشخصي زي الكمبيوتر او اللابتوب للتعدين؟
بالنسبة للابتوب لأ مينفعش .. هتهلكه على الفاضي ومش هتعمل منه ربح خالص ...
بالنسبة للكمبيوتر Desktop ينفع لو هتعمل Upgrade لامكانياته .. بس هتدفع مبلغ محترم ...
الهاردوير المستخدمة للتعدين على حسب العملة اللى محتاج تعدنها ...
مثلا ...
مينفعش تعدن بيتكوين او لايتكوين بالكمبيوتر حتى لو عملت Upgrade للجهاز بالمبلغ المحترم ..
علشان العملات دي ال Algorithm بتاعهم Scrypt و SHA256 وصعوبة تعدينها زادت وما زالت فى الزيادة بشكل كبير فبيتم انتاج اجهزة مخصصة لها من شركة Bitmain اجهزة بيتكوين
بالتيرا هاش .. واللايتكوين بالميجا هاش وتقدر تستعلم اكتر عن امكانيات الجهاز من خلال موقعهم Bitmain Shop (https://shop.bitmain.com/main.htm?lang=en)
لكن ينفع تعدن عن طريق اجهزة الكمبيوتر عملات زي الايثريوم والايثريوم كلاسيك ال Algorithm بتاعهم Ethash .. من خلال شراء كروت شاشة بميجا هاش معينة ..
طبعا مفيش نوع كارت شاشة معين اقدر اقوله ليك .. انت ممكن تعمل سيرش على جوجل وتشوف الافضل ...
هضيف بس نقطة واحدة
سواء اخترت التعدين ب Graphic Cards او اجهزة Antminers فانت لازم تحسب كل كبيرة وصغيرة هتستخدمها وتدفعها لحد ما توصل لربحك الصافي !!
مثلا ...
افترضنا اخترت تعدن عملة LTC بجهاز +Antminer L3 بقوة تعدين 508 ميجا هاش
- الجهاز كان سعره فى الدفعة اللى خلصت 2000 دولار على الموقع الرسمي
- عقبال ما يجيلك شحن وتخليص جمارك وقرشين حلوين للى هيجبلك الجهاز قول عمل من 3000-3500 دولار وممكن تلاقي ناس باعته ب 4000 دولار
- جالك الجهاز لحد عندك مثلا ب 4000 دولار بعد 3 شهور
- كده المفروض تحسب هتجيب ثمن الجهاز (4000 دولار) فى كام شهر وهتبتدي تاخد من بعدها ربحك الصافي امتى !!
- النسبة اللى بتشوفها على حاسبة Profitability Analysis مش ثابتة .. الجهاز قبل ما يجيلك كان بيعمل مثلا 1250 دولار شهريا لمدة 720 ساعة ..
بعد 3 شهور الصعوبة هتزيد والسعر ممكن يزيد ويقل عل حسب السوق
- ومتنساش سعر الكهرباء ولازم يكون فى تبريد وتحط احتمالات لقدر الله لو الجهاز فصل باور او احتاج تصليح فى جزء معين منه .. كل دى مصاريف لازم تتحسب وتتحط فى الحسبان ...
حسبتها ولقيت انك طالع بربح كويس ويستاهل فى مدة كويسة وراضي عنها هات الجهاز .. لقيت الموضوع فيه خسارة مش هتقدر تتحملها متجبهوش ...
رأى الشخصي ...
التعدين مبقاش مربح خالص مع زيادة معدل الصعوبة لكل عملة .. غير ان معظم كروت الشاشة اللى اُستخدمت فى التعدين وبيتم اعادة بيعها بتكون مستهلكة بشكل كبير ...
◄ دى منصات عليها العملات المشفرة واشهرهم Bittrex (https://Bittrex.com) و Poloniex (https://Poloniex.com)
Bitfinex (https://Bitfinex.com)
Bittrex (https://Bittrex.com)
Kraken (https://Kraken.com)
OKCoin (https://OKCoin.com)
Poloniex (https://Poloniex.com)
◄ فعّل خاصية 2FA على كل ايميلاتك واكونتاتك .. واستخدم Google 2FA Authenticator .. وحاول متستخدمش خاصية 2FA اللى بتبعتلك الكود على الموبايل ...
◄ خلى بالك من اسماء المواقع كويس عشان فى اعلانات على جوجل لنفس المنصات بس نصب ومتغير حروفها .. مثلا بدل Bittrex هتلاقى مكتوب Bittriex ...
◄ متديش لاي حد Private Key او Backup Seed بتاع محفظتك .. عشان لو معاه هيقدر يتحكم فى رصيدك وياخده منك ...
◄ وانت بتنسخ عنوان محفظتك عشان تستقبل او ترسل رصيد .. اتأكد من اول واخر 3 حروف فى عنوان محفظتك ...
◄ متدوسش على اى لينك يتبعتلك سواء كان على الشات او على الايميل .. وتجاهل رسائل Spam .. ولما تأكد اى عملية سحب او ايداع من الايميل .. تأكد ان الرسالة جاية من الموقع الرسمي ...
◄ بالنسبة لـ Coinbase (https://coinbase.com) الـ Wallets اللى موجودة عليها بتخدم منصتها GDAX (https://gdax.com)
.. ولا يوجد Private Key لعنوان المحفظة الخاصة بك لإعادة رصيدك فيما بعد من البيتكوين اذا تم الاستيلاء على
الموقع .. لذلك Coinbase (https://coinbase.com) لا تعتبر محفظة لتخزين العملات المشفرة ...
◄ بالنسبة لـ Xapo (https://xapo.com) الـ Wallets اللى موجودة عليها بتستخدم لإستقبال البيتكوين عليها اذا تم الشراء من خلال الموقع نفسه ..
وبالطبع يمكنك ارسال البيتكوين من محفظة الى أخري .. لكن اذا تم الاستيلاء على الموقع لا يمكنك ارجاع رصيدك من البيتكوين
لعدم وجود Private Keys الخاصة بعناوين محفظتك التى استخدمتها من قبل .. لذلك Xapo لا تعتبر محفظة لتخزين عملة البيتكوين ...
◄ افضل Fees ممكن تدفعها فى Transaction البيتكوين تقدر تعرفها بشكل يومي من Bitcoin Fees (https://bitcoinfees.21.co)
◄ ازاى تشتري بيتكوين .. عن طريق ...
ممكن تشتري من خلال مواقع بتتعامل بـ Escrow زى Localbitcoins (https://localbitcoins.com) او Paxful (https://paxful.com) ...
ممكن تشتري من خلال Bitstamp (https://bitstamp.net) او Cex (https://cex.io) .. ودى مواقع بتحتاج Verification من الدعم قبل ما تعمل ايداع بالدولار لشراء بيتكوين من خلال Visa Card ...
ملحوظة ...
** جميع الروابط مباشرة للمواقع الرسمية ولا يوجد أى رابط Referral ...
** اذا كان لديك استفسار سيتم الرد عليك بشرط كتابته كـ كومنت على العام وليس على الخاص ليستفاد الجميع ...