Inaresto ng Criminal Investigation and Detection Group (CIDG) Anti-Organized Crime Unit ang umano'y lider ng isang investment scam na tumangay ng milyong piso sa mga na-engganyong mamuhunan sa bitcoin.
Bangko Sentral on bitcoins: Study it 'very closely'
Beware of scams using bitcoin, cryptocurrencies, SEC warns
Arestado si Arnel Ordonio, may-ari ng kompanyang NewG, isang investment company na nanghihikayat umano ng mga mamumuhunan.
Ayon sa biktimang si Rotskie Bautista, nahikayat umano siya na mag-invest ng mga kaibigan noong Oktubre.
Noong una raw ay natuwa siya dahil lumalago ang kaniyang pera pero nang lumaon, hindi na niya nakukuha ang ipinangakong kita.
"Minsan umaabot na ng 100 percent ang kita...October to December, good siya, minsan advanced ko pa nakukuha," paliwanag niya kaya hindi siya naghinala.
Lima ang sinampahan ng kaso ng mga biktima ng bitcoin investment scam
Bukod sa Department of Justice, nagsampa rin ng reklamo ang ilang mga biktima sa Marikina Prosecutor's Office.
"Bitcoin is being used to get investment, parang iyun 'yung way of enticement through the investors. 'Yung parang P25,000 mo is magiging P50,000 in 16 days," ayon kay Atty. Maggie Abraham, abogado ng mga biktima.
Nalaman pa ng mga biktima na walang lisensiya ang kompanya ni Ordonio na tumanggap ng investment dahil nakarehistro pala ito na computer shop.
Aminado si Bautista na malabo nang maibalik pa ang P15 milyon nilang ipinuhunan.
Kinumpirma naman ng CIDG na hawak na nila si Ordonio pero tumanggi silang magbigay ng ano mang detalye.
Anila, ihaharap sa Martes si Ordonio sa isang press conference ni outgoing Philippine National Police (PNP) Chief Ronald Dela Rosa.
--Ulat ni Maan Macapagal, ABS-CBN News
Bisitahin ang Patrol.PH para sa iba pang mga balita.
Share
Save
Facebook
Share on Twitter
GPlus
LinkedIn
Read More: PatrolPH Tagalog news balita scam bitcoin investment investment scam TV Patrol TV Patrol Weekend Maan Macapagal
source:
http://news.abs-cbn.com/news/04/07/18/lider-ng-umanoy-bitcoin-investment-scam-arestado