Everybody go agree say January na the longest month in every year and for one reason or the other, funds dey quick exhaust for our hand on this first month of the year. For this year sha, the progress just dey in between, sometimes e dey seem fast, sometimes e dey seem slow but main focus be say one gats dey careful about him survival this month make e no go red for am later.
The economy sha dey projected to worsen and by so, we gats dey careful of wastage, we gats make plans for our incomes too, reduce our budget, reshape our spendings and wear the endurance vest because the situation wey we dey right now for the country, nobody fit rescue us apart from us o. E good say this year our theme na no gree for anybody. No time to stress for less value, value who value you, send who send you, no more cheerful giving sha because as e be, not just January, this year fit choke pass last year.