Christmas don finally reach, how e be for our sides? No cap buh the weeks before Christmas been jus dey look one kain way. The Christmas was not christmasing at all. Sadly, e sure me die say 98% of people no really go back their base. The economy don make this year Christmas dey less fun. For this side wey I dey, to shoot knockout sef na heavy duty. When you reason the cost of the knockout, then try compare am to other options of needs you go fit meet with that amount, na you go stay change mind on shooting knockouts.
As cruise no dey everly fail for the country na, shey days ago we been follow up the trend based on Bethlehem wey cancel Christmas because of their wars and all, truth be say since December 1st, Nigeria been in no get the Christmas atmosphere. Even though we don try in our little space just decide to make today make small sense by cooking some kind meals, the day deep down inside our heart be like a usual Monday. We still get more celebrations to run through before this tenure finish. God no go gree make condition worse pass as e dey now because e for really dey bad. All thesame, all Christmas blessings and good tidings go reach us one by one on God.